മെഡിക്കല്‍ ബിരുദ പ്രവേശനത്തിനുളള നാഷണല്‍ എലിജിബിലിറ്റി കം എന്‍ഡ്രന്‍സ് (നീറ്റ് യു.ജി) പരീക്ഷയുടെ രജിസ്ട്രേഷന്‍ നാളെ (ഞായറാഴ്ച) ആരംഭിക്കും. neet.nta.nic.in എന്ന വെബ്സൈറ്റ് വഴിയാണ് രജിസ്ട്രേഷന്‍.
സര്‍ക്കാര്‍ അംഗീകൃത മെഡിക്കൽ/ഡെന്റൽ/ ആയുഷ്, മറ്റ് കോളജുകൾ/ഡീംഡ് സർവകലാശാലകൾ/ഇൻസ്റ്റിറ്റ്യൂട്ടുകൾ (എയിംസ്, ജിപ്മെർ) എന്നിവിടങ്ങളിലേക്കുള്ള മെഡിക്കല്‍ ബിരുദ പ്രവേശന പരീക്ഷയുടെ രജിസ്ട്രേഷനാണ് വിളിക്കുന്നത്. എം.ബി.ബി.എസ് /ബി.ഡി.എസ്/ബി.എ.എം.എസ്/ബി.എസ്.എം.എസ് /ബി.യു.എം.എസ്/ ബി.എച്ച്.എം.എസ്, മറ്റു ബിരുദ മെഡിക്കൽ കോഴ്സുകളിലേക്കാണ് ഇതുവഴി അഡ്മിഷന്‍ ലഭിക്കുക. മേയ് ഏഴിനാണ് പരീക്ഷ നിശ്ചയിച്ചിരിക്കുന്നത്. കഴിഞ്ഞ വര്‍ഷം 17 ലക്ഷത്തിലധികം വിദ്യാർത്ഥികൾ നീറ്റ് പരീക്ഷക്ക് രജിസ്റ്റർ ചെയ്തിരുന്നു.
