രാജ്യത്തിന്റെ പ്രധാന ഭൂപ്രദേശത്തിന്റെ സുരക്ഷയെക്കുറിച്ചുള്ള ആശങ്കകൾ ചൂണ്ടിക്കാട്ടി സൈനിക ഭീഷണികൾ ഉപേക്ഷിക്കണമെന്ന് ഉത്തര കൊറിയ അമേരിക്കയോട് ആവശ്യപ്പെട്ടതായി സ്റ്റേറ്റ് മീഡിയ കെ സി എൻ എ റിപ്പോർട്ട് ചെയ്യുന്നു. ദക്ഷിണ കൊറിയയുമായി യുദ്ധാഭ്യാസങ്ങൾ ആസൂത്രണം ചെയ്യുന്നതും കൊറിയൻ പെനിൻസുലയിലേക്ക് ഒരു ആണവ അന്തർവാഹിനി വിന്യസിക്കുന്നതും ഉൾപ്പെടെയുള്ള ഏറ്റുമുട്ടലിന് യു എസ് പദ്ധതിയിട്ടതായി ഉത്തര കൊറിയയുടെ പ്രതിരോധ മന്ത്രാലയത്തിലെ ഒരു ഉദ്യോഗസ്ഥനെ ഉദ്ധരിച്ച്‌ മാധ്യമം റിപ്പോർട്ട് ചെയ്തു.
ഉത്തര കൊറിയയുടെ ഭൂഖണ്ഡാന്തര ബാലിസ്റ്റിക് മിസൈലുകളെക്കുറിച്ചും (ഐ സി ബി എം) യു എസ് മെയിൻലാൻഡിലെത്താനുള്ള അവയുടെ കഴിവിനെക്കുറിച്ചും യു എസ് നോർത്തേൺ കമാൻഡ് മേധാവിയുടെ സമീപകാല അഭിപ്രായങ്ങളും കെ സി എൻ എ റിപ്പോർട്ട് പരാമർശിച്ചു. മറുപടിയായി, സ്വയം പ്രതിരോധശേഷി മെച്ചപ്പെടുത്താനുള്ള പരമാധികാര അവകാശം ഉത്തര കൊറിയ ഉറപ്പിക്കുകയും ചെയ്തിട്ടുണ്ട്.
ഉത്തര കൊറിയയും യു എസും തമ്മിലുള്ള സംഘർഷങ്ങൾക്കിടയിലാണ് ഈ സംഭവവികാസമുണ്ടായത്. യു എസ് – ദക്ഷിണ കൊറിയ സൈനികാഭ്യാസങ്ങൾക്കു മറുപടിയായി സൈനിക നടപടി സ്വീകരിക്കുമെന്ന് ഉത്തര കൊറിയ മുമ്പ് ഭീഷണിപ്പെടുത്തിയിരുന്നു.
