ഷാരൂഖിന് നന്ദി, നീണ്ട 32 വര്‍ഷങ്ങള്‍ക്ക് ശേഷം കശ്മീരിലെ തീയറ്റര്‍ ഹൗസ്ഫുള്‍ ആയെന്ന് ഇനോക്‌സ് മൂവീസ്. ട്വിറ്ററിലൂടെയാണ് അവര്‍ വിവരം ഔദ്യോഗികമായി അറിയിച്ചത്. കശ്മീരിലെ തീയറ്ററിലെ ”ഹൗസ്ഫുള്‍” എന്ന ബോര്‍ഡാണ് തീയറ്റര്‍ ശൃംഖലയായ ഇനോക്‌സ് ഷെയര്‍ ചെയ്തത്.
നീണ്ട 32 വര്‍ഷങ്ങള്‍ക്ക് ശേഷം കശ്മീരിലെ തീയറ്റര്‍ ഹൗസ്ഫുള്‍ ആയെന്നും ഇതില്‍ ഷാരൂഖിനോട് നന്ദിയുണ്ടെന്നും ട്വിറ്റര്‍ പോസ്റ്റ് പറയുന്നു. ശ്രീനഗര്‍ ശിവ്പോരയിലെ ഇനോക്‌സ് തീയറ്ററില്‍ ജനുവരി 27ന് 2:30, 6 മണി സമയങ്ങളില്‍ ആറ് ഷോകളാണ് പത്താന്‍ കാണിച്ചത്. അതില്‍ അഞ്ചെണ്ണം വിറ്റുതീര്‍ന്നു. ജനുവരി 28, 29 വാരാന്ത്യങ്ങളിലും സമാനമായ ബുക്കിംഗാണ് കാണിക്കുന്നത്.
ശ്രീനഗറിലെ തീയറ്ററില്‍ റിലീസ് ദിവസം എല്ലാ ഷോകളും ഹൌസ്ഫുള്‍ ആയിരുന്നു. പത്താനോടും ഷാരൂഖ് ഖാനോടും കാശ്മീര്‍ അസാധാരണമായ സ്‌നേഹം കാണിക്കുന്നു എന്ന് പറഞ്ഞ് ഇനോക്‌സ് ശ്രീനഗര്‍ ഒരു പ്രത്യേക ട്വീറ്റും പോസ്റ്റ് ചെയ്തിട്ടുണ്ട്. ഷാരൂഖ് ഖാന്‍ നായകനായ പഠാന്‍ വലിയ വിജയത്തിലേക്ക് കുതിക്കുകയാണ്. റിലീസ് ദിവസം തന്നെ നൂറുകോടിയോളം രൂപ ബോക്്‌സ് ഓഫീസില്‍ ചിത്രം നേടിയെന്നാണ് വിവരം.
