ലെയോ പതിനാലാമൻ മാർപാപ്പ തന്റെ ആദ്യസന്ദേശം സോഷ്യൽ നെറ്റ്‌വർക്കായ എക്‌സിൽ മെയ് 14 ബുധനാഴ്ച പ്രസിദ്ധീകരിച്ചു. “നിങ്ങൾക്കെല്ലാവർക്കും സമാധാനം! നല്ല ഇടയനായ ഉയിർത്തെഴുന്നേറ്റ ക്രിസ്തു ഉച്ചരിച്ച ആദ്യ ആശംസയാണിത്” – പ്രത്യാശയുടെയും അനുരഞ്ജനത്തിന്റെയും സാർവത്രികസന്ദേശം നൽകിക്കൊണ്ട് പാപ്പ ആശംസിച്ചു.
“സമാധാനത്തിന്റെ ഈ ആശംസ നിങ്ങളുടെ ഹൃദയങ്ങളിൽ പ്രവേശിക്കാനും നിങ്ങളുടെ കുടുംബങ്ങളിലേക്കും എല്ലാ ആളുകളിലേക്കും അവർ എവിടെയായിരുന്നാലും എല്ലാ ജനതകളിലേക്കും മുഴുവൻ ഭൂമിയിലേക്കും എത്തിച്ചേരാനും ഞാൻ ആഗ്രഹിക്കുന്നു” – തന്റെ ഔദ്യോഗിക അക്കൗണ്ടിൽ മാർപാപ്പ കുറിച്ചു.
ലെയോ പതിനാലാമൻ പാപ്പയുടെ ഔദ്യോഗിക ഇൻസ്റ്റാഗ്രാം അക്കൗണ്ട് ഇന്നലെ രാത്രി റെക്കോർഡ് സമയത്തിനുള്ളിൽ പത്തുലക്ഷം ഫോളോവേഴ്‌സ് കവിഞ്ഞു. പ്ലാറ്റ്‌ഫോമിൽ സജീവമായതായി ഔദ്യോഗിക പ്രഖ്യാപനം വന്നതിന് ആറുമണിക്കൂറും 29 മിനിറ്റിനുമുള്ളിലാണ് ഇത്.
