അറബ് ലോകത്തിനു നിന്ന് ബഹിരാകാശത്തേയ്ക്കു ആദ്യമായി ഒരു വനിതാ സഞ്ചാരി എത്തുന്നു. റയ്യാനത്ത് ബർനാവിയാണ് ആദ്യ വനിതാ അറബ് ബഹിരാകാശ സഞ്ചാരിയാകാൻ തയാറെടുക്കുന്നത്. ഈ മാസം 21 ന് ആണ് ചരിത്രം വഴിമാറുന്ന ആ ദൗത്യത്തിനു അറബ് ലോകം സാക്ഷ്യം വഹിക്കുന്നത്.
സൗദിയുടെ തന്നെ അലി അൽ ഖാർണിക്കൊപ്പമാണ് റയ്യാനത്ത് ബഹിരാകാശ നിലയത്തിലെത്തുന്നത്. സൗദി സഞ്ചാരികളെയും വഹിച്ചുള്ള പേടകം വിക്ഷേപിക്കുക യുഎസിലെ ബഹിരാകാശ ഗവേഷണ കേന്ദ്രത്തിൽനിന്നായിരിക്കും. ഇതോടെ രാജ്യാന്തര ബഹിരാകാശ നിലയത്തിൽ ഒരേ സമയം രണ്ടു സഞ്ചാരികളെ അയയ്ക്കുന്ന അപൂർവം രാജ്യങ്ങളുടെ പട്ടികയിൽ സൗദിയും ഇടം പിടിക്കും.
കഴിഞ്ഞ ഒരു വർഷത്തിലേറെയായി സഞ്ചാരികളെ ബഹിരാകാശത്ത് അയക്കുന്ന ദൗത്യത്തിനായി ഉള്ള പരിശ്രമങ്ങളിൽ ആയിരുന്നു രാജ്യം. ആ പരിശ്രമങ്ങൾ ആണ് 21 ന് പൂർത്തിയാകുന്നത്.
