സംസ്ഥാനത്ത് ഏറ്റവും കൂടുതല്‍ കാലം തുടര്‍ച്ചയായി മന്ത്രിപദവിയിലിരുന്നതിന്റെ റെക്കോര്‍ഡ് എ.കെ.ശശീന്ദ്രന്. പിണറായി വിജയന്റെ രണ്ട് മന്ത്രിസഭകളിലായി ശശീന്ദ്രന് തുടര്‍ച്ചയായി 2364 ദിവസമായി (6 വര്‍ഷം 5 മാസം 22 ദിവസം) മന്ത്രിയാണ്.
2018 ഫെബ്രുവരി 1 മുതല്‍ ശശീന്ദ്രന് തുടര്‍ച്ചയായി മന്ത്രിയാണ്. ഇടവേളയില്ലാതെ ഇടയ്ക്ക് ഒരു സത്യപ്രതിജ്ഞ (2021 മേയ് 20) ഉണ്ടായെന്നു മാത്രം. നേരത്തേ ഒന്നാം പിണറായി മന്ത്രിസഭയില്‍ ശശീന്ദ്രന് 306 ദിവസം (2016 മേയ് 25 – 2017 മാര്‍ച്ച് 27) മന്ത്രിയായിരുന്നു. ഒരു മന്ത്രിസഭയില്‍നിന്നു രാജിവച്ച് അതേ മന്ത്രിസഭയില്‍ത്തന്നെ തിരിച്ചെത്തിയ 7 പേരില്‍ ഒരാളാണ് ശശീന്ദ്രന്.
രണ്ടാം അച്യുതമേനോന്‍ മന്ത്രിസഭയിലെ ബേബി ജോണ്‍, കെ.അവുക്കാദര്‍കുട്ടി നഹ, എന്‍.കെ.ബാലകൃഷ്ണന്‍ (മൂവരും 1970 ഒക്ടോബര്‍ 4 – 1977 മാര്‍ച്ച് 25; 2364 ദിവസം) എന്നിവര്‍ക്കൊപ്പമായി ഇന്നു (2024 ജൂലൈ 23) ശശീന്ദ്രന്.
