അമേരിക്കയിലെ ന്യൂ മെക്സിക്കോ പട്ടണത്തില്‍ വെടിവയ്പ്പുണ്ടായതായി റിപ്പോര്‍ട്ട്. സംഭവത്തില്‍ മൂന്നു പേര്‍ കൊല്ലപ്പെട്ടതായും ആറു പേര്‍ക്ക് പേര്‍ക്ക് പരിക്കേറ്റതായും പോലീസ് വ്യക്തമാക്കി. വെടിവയ്പ്പിനു പിന്നാലെ പ്രതിയെ പോലീസ് കൊലപ്പെടുത്തിയതായും റിപ്പോര്‍ട്ടുണ്ട്.
ന്യൂ മെക്സിക്കോയിലെ ഫാർമിംഗ്ടണിലുള്ള ഒരു റെസിഡൻഷ്യൽ ഏരിയയിലാണ് സംഭവം നടന്നത്. കൊല്ലപ്പെട്ട മൂന്നു പേരെ പ്രതിയായ 18 കാരന്‍ കാൽനടയായി പിന്തുടർന്നു വെടിയുതിര്‍ക്കുകയായിരുന്നു. തുടർന്ന് സമീപത്തുണ്ടായിരുന്നവർക്ക് നേരെയും പ്രതി നിറയൊഴിക്കുകയായിരുന്നു എന്ന് ഫാർമിംഗ്ടൺ പോലീസ് വക്താവ് ഷാനിസ് ഗോൺസാലെസ് പറഞ്ഞു.
പോലീസ് ഉദ്യോഗസ്ഥര്‍ ഉള്‍പ്പടെ ആറു പേര്‍ക്കാണ് പ്രതിയുടെ ആക്രമണത്തില്‍ പരിക്കേറ്റത്. എന്നാല്‍ ഇവരുടെ നില ഗുരുതരമല്ലെന്നാണ് വിവരം. അതേസമയം, വെടിയുതിർക്കാനുള്ള കാരണവും വ്യക്തമല്ലെന്ന് പോലീസ് അറിയിച്ചു.
