ദക്ഷിണ കൊറിയയുടെ സസ്‌പെൻഡ് ചെയ്യപ്പെട്ട പ്രസിഡന്റ് യൂൻ സുക് യോൾ തന്റെ ഇംപീച്ച്‌മെന്റ് വിചാരണയ്ക്കായി ആദ്യമായി ഹാജരായി. രാജ്യത്ത് സൈനികനിയമം ചുമത്താനുള്ള ശ്രമത്തിനിടെ നിയമനിർമാതാക്കളെ അറസ്റ്റ് ചെയ്യാൻ ഉത്തരവിട്ടത് അദ്ദേഹം നിഷേധിച്ചു.
ഭരണഘടനാ കോടതി അദ്ദേഹത്തെ അധികാരത്തിൽനിന്ന് ശാശ്വതമായി നീക്കം ചെയ്യണോ എന്ന് തീരുമാനിക്കാനാണ് വിചാരണ ആരംഭിച്ചിരിക്കുന്നത്. ഒരു കലാപത്തിന് യൂൺ നേതൃത്വം നൽകിയോ എന്നതിനെക്കുറിച്ചും പ്രത്യേക ക്രിമിനൽ അന്വേഷണം അദ്ദേഹം നേരിടുന്നുണ്ട്. കഴിഞ്ഞയാഴ്ച മുതൽ അദ്ദേഹം കസ്റ്റഡിയിലാണ്.
