ഡ്രൈ ഡേ ഒഴിവാക്കുന്നതും ബാര്‍ സമയം കൂട്ടുന്നതും അപലപനീയമെന്ന് സീറോ മലബാര്‍ സഭ. മദ്യനയത്തില്‍ മാറ്റം വരുത്തുന്നത് ജനവഞ്ചനയാണെന്നും നടപടികളില്‍ നിന്ന് സര്‍ക്കാര്‍ പിന്‍വാങ്ങണമെന്നും സിറോ മലബാര്‍ സഭ പിആര്‍ഒ ആന്റണി വടക്കേക്കര പറഞ്ഞു.
ഈ നീക്കത്തെ സഭ എതിര്‍ക്കുന്നു, ടൂറിസം വികസനത്തിന്റെ മറപിടിച്ച് മദ്യത്തെ പ്രോത്സാഹിപ്പിക്കുന്നത് ആശങ്കാജനകമാണ്. ബാര്‍ കോഴ വിവാദത്തില്‍ രാഷ്ട്രീയ അഭിപ്രായത്തിനില്ല. അന്വേഷണം നടത്തി യഥാര്‍ത്ഥ വിവരങ്ങള്‍ പുറത്തുകൊണ്ടുവരണമെന്നും അദ്ദേഹം പറഞ്ഞു
