പരിക്കേറ്റവരെ കൊണ്ടുപോകുന്നതിനായി നെതർലാൻഡ്‌സ് ട്രാക്ക് ചെയ്ത 25 കവചിത വാഹനങ്ങൾ യുക്രൈനു നൽകും. യുക്രൈന്റെ പ്രതിരോധത്തിനായുള്ള കോൺടാക്റ്റ് ഗ്രൂപ്പിന്റെ യോഗത്തിൽ നെതർലാൻഡ്‌സ് പ്രതിരോധ മന്ത്രി റൂബൻ ബ്രെക്കൽമാൻസ് ആണ് ഇത് പ്രഖ്യാപിച്ചത്.
യുക്രൈനുള്ള സൈനികപിന്തുണ ഏകോപിപ്പിക്കുന്നതിനായി അമ്പതിലധികം രാജ്യങ്ങൾ യോഗത്തിൽ പങ്കെടുത്തത് ശ്രദ്ധേയമാണ്. യുക്രൈന്റെ പ്രതിരോധത്തെക്കുറിച്ചുള്ള കോൺടാക്റ്റ് ഗ്രൂപ്പിന്റെ യോഗം ആദ്യമായി യുണൈറ്റഡ് കിംഗ്ഡത്തിന്റെ അധ്യക്ഷതയിൽ ബ്രസ്സൽസിൽ ചേർന്നു.
“നമ്മൾ ദുഃഖകരമായ ഒരു നാഴികക്കല്ലിലേക്ക് അടുക്കുകയാണ്. യുക്രൈനിലെ പൂർണ്ണതോതിലുള്ള റഷ്യൻ ആക്രമണത്തിന്റെ മൂന്ന് വർഷങ്ങൾ പിന്നിടുകയാണ്. മൂന്നുവർഷമായി, യുക്രേനിയക്കാർ അവരുടെ ഭാവിക്കും സ്വാതന്ത്ര്യത്തിനും സുരക്ഷയ്ക്കുംവേണ്ടി പോരാടുകയാണ്. നെതർലാൻഡ്‌സ് 10 ബില്യൺ യൂറോയിലധികം സൈനികസഹായം വാഗ്ദാനം ചെയ്തിട്ടുണ്ട്. അതിൽ ഏകദേശം ആറു ബില്യൺ ഇതിനകം നൽകിയിട്ടുണ്ട്. പ്രത്യേകിച്ചും ഇപ്പോൾ, യുക്രേനിയക്കാർ യുദ്ധക്കളത്തിൽ ബുദ്ധിമുട്ട് അനുഭവിക്കുമ്പോൾ, നമ്മൾ അവർക്ക് നിരന്തരമായ പിന്തുണ നൽകുന്നത് തുടരണം. റഷ്യയ്‌ക്കെതിരായ സമാധാനം സൈനികശക്തിയിലൂടെ മാത്രമേ സാധ്യമാകൂ” – ഡച്ച് പ്രതിരോധ മന്ത്രി റൂബൻ ബ്രെക്കൽമാൻസ് പറഞ്ഞു.
ചെക്ക് റിപ്പബ്ലിക്കുമായും അമേരിക്കയുമായും സഹകരിച്ച് നെതർലാൻഡ്‌സ് അവസാനമായി വാഗ്ദാനം ചെയ്ത ടി 72 യുദ്ധ ടാങ്കുകൾ യുക്രൈനു കൈമാറിയതായും മന്ത്രി പറഞ്ഞു. നേരത്തെ യുക്രൈന് വാഗ്ദാനം ചെയ്തിരുന്ന ഡച്ച് എഫ് 16 യുദ്ധവിമാനങ്ങളുടെ ഒരു പുതിയ ബാച്ച് അടുത്തിടെ യുക്രൈനു ലഭിച്ചു. കൈമാറ്റം ചെയ്യപ്പെട്ട യുദ്ധവിമാനങ്ങളുടെ കൃത്യമായ എണ്ണം പ്രതിരോധമന്ത്രാലയം വെളിപ്പെടുത്തിയിട്ടില്ല.
