പാരസെറ്റമോള്‍ തൊട്ട് പ്രതിരോധ വാക്‌സിനുകള്‍ വരെ മരുന്നു വില കൂടി. കഴിഞ്ഞ വര്‍ഷം 2022 ല്‍ 12 ശതമാനം വര്‍ധവ് അനുവദിച്ചതിന് പുറമെയാണ് ഈ വര്‍ഷം വീണ്ടും വര്‍ധനവിന് അനുമതി നല്‍കിയിരിക്കുന്നത്. 2021 ല്‍ മരുന്നുകള്‍ക്ക് 10 ശതമാനം വര്‍ധവ് അനുവദിച്ചിരുന്നതാണ്.
2024 മാര്‍ച്ച് 27 ലെ അറിയിപ്പ് പ്രകാരം മൊത്തവില സൂചിക അടിസ്ഥാനമാക്കി മരുന്ന് നിര്‍മാതാക്കള്‍ക്ക് എംആര്‍പി വര്‍ദ്ധിപ്പിക്കാം. ഇങ്ങനെ വര്‍ധിപ്പിക്കാന്‍ സര്‍ക്കാരില്‍ നിന്ന് മുന്‍കൂര്‍ അനുമതി ആവശ്യമില്ല.
പാരസെറ്റമോള്‍, അസിത്രോമൈസിന്‍ തുടങ്ങിയ അവശ്യമരുന്നുകളുടെ വില ഇന്നു മുതല്‍ വര്‍ധിക്കുമെന്ന് നാഷണല്‍ ഫാര്‍മസ്യൂട്ടിക്കല്‍ പ്രൈസിങ് അതോറിറ്റി (എന്‍പിപിഎ)യാണ് അറിയിപ്പ് പുറത്തു വിട്ടത്. വേദനസംഹാരികള്‍, ആന്റിബയോട്ടിക്കുകള്‍, പകര്‍ച്ചവ്യാധികള്‍ തടയുന്നതിനുള്ള മരുന്നുകള്‍ തുടങ്ങിയവയുടെ വിലയാണ് വര്‍ധിക്കുന്നത്.
