Sunday, April 6, 2025

തൃക്കാക്കരയില്‍ വിധിയെഴുത്ത്; ആദ്യ മണിക്കൂറുകളില്‍ കനത്ത പോളിംഗ്

തൃക്കാക്കരയില്‍ ആദ്യമണിക്കൂറില്‍ 8.09 ശതമാനം പോളിംഗ് രേഖപ്പെടുത്തി. ഇതുവരെ 15,833 പേര്‍ വോട്ട് ചെയ്തു. 9.10 ശതമാനം പുരുഷന്മാരും 7.05 ശതമാനം വോട്ട് രേഖപ്പെടുത്തി.

1,96,805 വോട്ടര്‍മാരാണ് ആകെയുള്ളത്. വ്യാപക കള്ളവോട്ടിന് സാധ്യതയുണ്ടെന്ന യുഡിഎഫ് നേതൃത്വത്തിന്റെ പരാതിയുടെ അടിസ്ഥാനത്തില്‍ ബൂത്തുകളില്‍ പ്രത്യേക നിരീക്ഷണസംവിധാനവും ഏര്‍പ്പെടുത്തിയിട്ടുണ്ട്.

ജനം അംഗീകരിക്കുമെന്ന് പൂര്‍ണ വിശ്വാസമുണ്ടെന്ന് യുഡിഎഫ് ഉമ തോമസ് പറഞ്ഞു. നൂറു ശതമാനം ആത്മവിശ്വാസമെന്ന് എല്‍ഡിഎഫ് സ്ഥാനാര്‍ഥി ജോ ജോസഫും പ്രതികരിച്ചു.

രാവിലെ ആറു മുതല്‍ വൈകിട്ട് ആറു വരെയാണ് വോട്ടെടുപ്പ്. മണ്ഡലത്തിലെ 239 ബൂത്തുകളിലായാണ് വിധിയെഴുത്ത്. ശുചിത്വമിഷന്റെ നേതൃത്വത്തില്‍ ഹരിത പ്രോട്ടോകോള്‍ ഉറപ്പാക്കിയാണ് ബൂത്തുകളെല്ലാം സജ്ജീകരിച്ചിരിക്കുന്നത്. എല്ലാ ബൂത്തുകളിലും വെബ് കാസ്റ്റിംഗ് സംവിധാനവും ഒരുക്കിയിട്ടുണ്ട്. വിജയപ്രതീക്ഷയിലാണ് മുന്നണികളും സ്ഥാനാര്‍ത്ഥികളും.

Latest News