ഇസ്രായേലുമായുള്ള 15 മാസത്തെ യുദ്ധത്തിൽ ഗാസയിലുണ്ടായ നാശനഷ്ടങ്ങൾ മൂലം ജനങ്ങൾ ദുരിതത്തിലായതിനാൽ പ്രദേശത്തെ ജനതകളെ ഈജിപ്തിലേക്കും ജോർദാനിലേക്കും മാറ്റിപ്പാർപിക്കാൻ അനുമതി നൽകണമെന്ന് നിർദേശിച്ച് യു. എസ്. പ്രസിഡന്റ് ഡൊണാൾഡ് ട്രംപ്. അടിസ്ഥാന സൗകര്യങ്ങളിൽ ഭൂരിഭാഗവും നശിച്ച ഗാസയിലെ 60% കെട്ടിടങ്ങൾക്കും മറ്റു സൗകര്യങ്ങൾക്കും കേടുപാടുകൾ സംഭവിക്കുകയോ, നശിപ്പിക്കപ്പെടുകയോ ചെയ്‌തിട്ടുണ്ടെന്നും അവ പുനർനിർമിക്കാൻ പതിറ്റാണ്ടുകൾ വേണ്ടിവന്നേക്കുമെന്നും യു. എൻ. കണക്കാക്കുന്നു.
ജോർദാൻ രാജാവ് അബ്ദുല്ലയോട് ഇതേക്കുറിച്ച് താൻ ഇതിനകംതന്നെ അഭ്യർഥന നടത്തിയിട്ടുണ്ടെന്നും ഈജിപ്ത് പ്രസിഡന്റിനോടും ഈ വിഷയം ആവശ്യപ്പെടാൻ പദ്ധതിയിട്ടിട്ടുണ്ടെന്നും ട്രംപ് പറഞ്ഞു.
ട്രംപിന്റെ അഭിപ്രായത്തിനു മറുപടിയായി, ഹമാസ് പൊളിറ്റിക്കൽ ബ്യൂറോയിലെ ഒരു അംഗം, പലസ്തീനികൾ അവരുടെ ഭൂമി വിട്ടുപോകുന്നതുൾപ്പെടെയുള്ള ഓഫറുകളും പരിഹാരങ്ങളും സ്വീകരിക്കില്ലെന്ന് പ്രസ്താവിച്ചു. പലസ്തീൻ അഭയാർഥികളെ സ്വീകരിക്കാനുള്ള ആശയം മുമ്പ് നിരസിച്ച ഈജിപ്തിൽനിന്നുള്ള ഈ നിർദേശവും സംശയാസ്പദമായി നിലനിൽക്കുന്നു.
