പ്രസിഡന്റ് ഡൊണാൾഡ് ട്രംപ് പുതിയ താരിഫുകൾ കർശനമായി പ്രഖ്യാപിച്ച് ഒരു ദിവസത്തിനുശേഷം ആഗോള ഓഹരികൾ ഇടിഞ്ഞു. പുതിയ താരിഫുകൾ വില ഉയർത്തുമെന്നും യു എസിലും വിദേശത്തും വളർച്ചയെ ബാധിക്കുമെന്നും പ്രവചിക്കപ്പെടുന്നു. അതേസമയം, യു എസ് എസ് & പി 500 നു പിന്നാലെ ഏഷ്യ-പസഫിക് മേഖലയിലെ ഓഹരിവിപണികൾ രണ്ടാം ദിവസവും ഇടിഞ്ഞു. 2020 ൽ കോവിഡ് കാലത്തിനുശേഷം സമ്പദ്‌വ്യവസ്ഥയിലുണ്ടായ ഏറ്റവും മോശം ദിനമായിരുന്നു ഇത്.
നൈക്ക്, ആപ്പിൾ, ടാർഗെറ്റ് എന്നിവ ഇത്തരത്തിൽ താരിഫ് ഏറ്റവും കൂടുതൽ ബാധിച്ച വലിയ ഉപഭോക്തൃ പേരുകളിൽ ഉൾപ്പെടുന്നുണ്ട്. ഇവയെല്ലാം ഒൻപതു ശതമാനത്തിൽ കൂടുതൽ ഇടിഞ്ഞതായാണ് റിപ്പോർട്ടുകൾ. ചൈന, യൂറോപ്യൻ യൂണിയൻ തുടങ്ങിയ വ്യാപാരപങ്കാളികൾ ഉൾപ്പെടെ, വളരെ ഉയർന്ന ചുങ്കം ചുമത്തുന്ന ഡസൻകണക്കിന് മറ്റു രാജ്യങ്ങളിൽ നിന്നുള്ള ഉൽപന്നങ്ങൾക്ക് തിരിച്ചടി നൽകാൻ റിപ്പബ്ലിക്കൻ പ്രസിഡന്റ് പദ്ധതിയിടുന്നു.
മൊത്തം 54% താരിഫ് നേരിടുന്ന ചൈനയും 20% തീരുവ നേരിടുന്ന യൂറോപ്യൻ യൂണിയനും വ്യാഴാഴ്ച പ്രതികാരം ചെയ്യുമെന്ന് പ്രതിജ്ഞയെടുത്തു. യൂറോപ്യൻ കമ്പനികൾ യു എസിലെ ആസൂത്രിത നിക്ഷേപം നിർത്തിവയ്ക്കണമെന്ന് ഫ്രഞ്ച് പ്രസിഡന്റ് ഇമ്മാനുവൽ മാക്രോൺ ആവശ്യപ്പെട്ടു. മറ്റു രാജ്യങ്ങളിൽ നിന്ന് ഇറക്കുമതി ചെയ്യുന്ന സാധനങ്ങളുടെ നികുതിയാണ് താരിഫ്. ബുധനാഴ്ച അദ്ദേഹം പ്രഖ്യാപിച്ച ട്രംപിന്റെ പദ്ധതി നൂറു വർഷത്തിനിടയിലെ ഏറ്റവും ഉയർന്ന തലങ്ങളിൽ ചിലതിലേക്ക് തീരുവകൾ ഉയർത്തും.
