അറബ് ലോകത്തെ ദൈര്‍ഘ്യമേറിയ ബഹിരാകാശ ദൗത്യത്തിന് സുല്‍ത്താന്‍ അല്‍ നെയാദി ബഹിരാകാശത്തേക്ക് പുറപ്പെട്ടു. യുഎഇ സമയം വ്യാഴം രാവിലെ 9.34ന് (ഇന്ത്യന്‍ സമയം 11.04) ഡ്രാഗണ്‍ ബഹിരാകാശപേടകത്തില്‍ നാസയുടെ ക്രൂ-6 ദൗത്യത്തിലാണ് നെയാദി ഉള്‍പ്പെടെ നാലുപേര്‍ കുതിച്ചുയര്‍ന്നത്.
24.5 മണിക്കൂറിനുശേഷം ഭൂമിയില്‍നിന്ന് ഏകദേശം 420 കിലോമീറ്റര്‍ അകലെയുള്ള അന്താരാഷ്ട്ര ബഹിരാകാശ നിലയത്തില്‍ വെള്ളി രാവിലെ പത്തോടെ എത്തും.
ഫ്ളോറിഡയിലെ കെന്നഡി സ്പെയ്സ് സെന്ററില്‍നിന്ന് സ്പെയ്സ് എക്സ് ഫാല്‍ക്കണ്‍-9 റോക്കറ്റിലാണ് പേടകം വിക്ഷേപിച്ചത്. ബഹിരാകാശയാത്രികരെ വഹിച്ചിരുന്ന ഡ്രാഗണും ഫാല്‍ക്കണ്‍9 റോക്കറ്റും വേര്‍പിരിഞ്ഞതായി നാസ സ്ഥിരീകരിച്ചു. മണിക്കൂറില്‍ 7500 കിലോമീറ്റര്‍ വേഗത്തിലാണ് യാത്ര.
