തന്ത്രപ്രധാന ഉക്രേനിയൻ നഗരമായ കെർസണിൽ നിന്ന് റഷ്യ പിൻവാങ്ങലിന് ഒരുങ്ങുകയാണ്. ഉക്രൈൻ സൈന്യത്തെ സംബന്ധിച്ചിടത്തോളം സന്തോഷത്തിന്റെ നിമിഷങ്ങളാണെങ്കിലും ഏറെ ഭീതിയോടെയാണ് അവർ ആ നിമിഷത്തെ കാത്തിരിക്കുന്നത്. റഷ്യൻ പിന്മാറ്റത്തെ തുടർന്ന് ഉക്രൈൻ സൈന്യത്തെ അവിടെ കാത്തിരിക്കുന്നത് ആയിരക്കണക്കിന് റഷ്യൻ കുഴിബോംബുകളാണ്. ഒരുപക്ഷേ, ഇതുവരെ കെർസണിൽ ഉക്രൈൻ നേരിട്ട പ്രതിസന്ധികളേക്കാൾ രൂക്ഷമായ സ്ഥിതിവിശേഷമാവും ഈ കുഴിബോംബുകൾ അവശേഷിപ്പിക്കുന്നത്.
റഷ്യൻ കുഴിബോംബുകൾ കെർസണിനെ ‘മരണ നഗരം’ ആക്കി മാറ്റുമെന്നും ഉക്രൈൻ സൈനികവൃത്തങ്ങൾ വെളിപ്പെടുത്തുന്നു. മോസ്കോയുടെ സൈന്യത്തിന് കെർസണിൽ നിന്ന് പലായനം ചെയ്യുകയല്ലാതെ മറ്റ് മാർഗ്ഗമില്ലെന്ന് ഉക്രേനിയൻ ഉദ്യോഗസ്ഥർ സമ്മതിക്കുന്നു. എങ്കിലും അവർ ആകാംക്ഷയോടെ കാത്തിരിക്കുകയാണ്. റഷ്യൻ സാന്നിധ്യത്തിൽ അല്ലെങ്കിൽ അധിനിവേശത്തിൽ കെർസണിൽ എന്താണ് സംഭവിച്ചതെന്ന് ഇപ്പോഴും ഉക്രേനിയൻ സൈന്യത്തിന് വ്യക്തമല്ല. റഷ്യൻ പിന്മാറ്റം എല്ലാം വിട്ടുകൊടുത്തു കൊണ്ടുള്ള ഒരു വിശുദ്ധ തീരുമാനമാണെന്ന് ഉക്രൈൻ വിശ്വസിക്കുന്നില്ല. അതിനാൽ തന്നെയാണ് അപകടങ്ങൾ ഏറെ കെർസണിൽ പ്രതീക്ഷിക്കുന്നതും. പതിനായിരക്കണക്കിന് ആളുകൾ പലായനം ചെയ്തതിനു ശേഷം അവശേഷിക്കുന്ന താമസക്കാർ വീടുവിട്ടിറങ്ങാൻ ഭയപ്പെടുകയാണ്.
കെർസൺ നഗരത്തിലുടനീളം റഷ്യൻ സൈന്യം മൈനുകൾ കുഴിച്ചിട്ടിരിക്കുകയാണ്. അവർ അതിനെ ‘മരണ നഗരം’ ആക്കി മാറ്റാൻ പിന്മാറിയിരിക്കുകയാണ്. ഡൈനിപ്പർ നദിക്ക് കുറുകെ സ്ഥലം മാറ്റിയതിനു ശേഷം അവർ നഗരത്തെ ഇല്ലാതാക്കുമെന്ന് പ്രവചിച്ചിരുന്നു എന്ന് ഉക്രേനിയൻ പ്രസിഡൻഷ്യൽ ഉപദേഷ്ടാവ് മൈഖൈലോ പോഡോലിയാക് ചൂണ്ടിക്കാട്ടി. “റഷ്യക്കാർ നഗരത്തിലേക്ക് ധാരാളം ഉപകരണങ്ങൾ കൊണ്ടുവരികയും അതിന്റെ ഓരോ ഇഞ്ചും മണ്ണിൽ കുഴിച്ചിടുകയും ചെയ്യുന്നു” – ജൂണിൽ കെർസണിൽ നിന്ന് ഓടിപ്പോയ അർക്കാദി ഡോവ്‌ഷെങ്കോയുടെ മുത്തച്ഛൻ സാക്ഷ്യപ്പെടുത്തുന്നു.
രാജ്യവ്യാപകമായി 1,70,000 ചതുരശ്ര മീറ്ററിൽ കുഴിബോംബുകൾ നീക്കം ചെയ്യാൻ തന്റെ സൈന്യം മത്സരിക്കുകയാണെന്ന് വ്യാഴാഴ്ച രാത്രി പ്രസിഡന്റ് സെലെൻസ്കി വ്യക്തമാക്കിയിരുന്നു. ഒപ്പം ഉക്രൈൻ ചാരന്മാർ നിർണ്ണായകമായ വിവരങ്ങൾ ശേഖരിക്കുന്നുണ്ടെന്നും ഉക്രൈന്റെ തെക്കൻ മിലിട്ടറിയുടെ വക്താവ് നതാലിയ ഹുമേനിയുക്ക് പറഞ്ഞു.
ഫെബ്രുവരിയിൽ ഉക്രൈൻ ആക്രമിച്ചതിനു ശേഷം പിടിച്ചെടുത്ത ഏക പ്രവിശ്യാ തലസ്ഥാനമായ കെർസണിൽ നിന്നുള്ള പിന്മാറ്റം റഷ്യയുടെ ഏറ്റവും മോശം യുദ്ധ തിരിച്ചടികളിൽ ഒന്നായിട്ടാണ് അടയാളപ്പെടുത്തുക. ഈ പിന്മാറ്റം 2014- ൽ മോസ്കോ പിടിച്ചെടുത്ത ക്രിമിയ ഉൾപ്പെടെ തെക്ക് നഷ്ടപ്പെട്ട മറ്റ് പ്രദേശങ്ങൾ പിടിച്ചെടുക്കാൻ ഉക്രൈന് ഊർജ്ജം നൽകും. എന്നാൽ ഇതുവരെയും ഉക്രൈൻ, റഷ്യൻ പിന്മാറ്റത്തെ സ്ഥിരീകരിച്ചിട്ടില്ല. പിന്മാറ്റത്തിനുള്ള നടപടികൾ ആരംഭിക്കുന്നതായി പ്രഖ്യാപിക്കുമ്പോഴും നഗരത്തിലെ കെർസണിൽ നിന്നുള്ള അണക്കെട്ട് നശിപ്പിക്കാനും നഗരത്തിന്റെ പ്രദേശങ്ങളിൽ വെള്ളപ്പൊക്കമുണ്ടാക്കാനും റഷ്യ ശ്രമിക്കുമോ എന്ന ആശങ്കയിലാണ് ഉക്രൈൻ.
