അമേരിക്കന്‍ വ്യോമസേനയുടെ ഹെലികോപ്റ്ററുകള്‍ തകര്‍ന്നുവീണ് ഒമ്പത് മരണം. കെന്റക്കി സംസ്ഥാനത്ത് പരിശീലനത്തിനിടെയായിരുന്നു സംഭവം. അപകടകാരണം എന്താണെന്ന് വ്യക്തമല്ല. എന്താണ് സംഭവിച്ചതെന്ന് അന്വേഷിക്കുകയാണെന്ന് അധികൃതര്‍ അറിയിച്ചു. പ്രാദേശിക സമയം ബുധനാഴ്ച രാത്രി 10 മണിയോടെയായിരുന്നു അപകടം.
അപകടത്തില്‍പ്പെട്ട സമയത്ത് ഹെലികോപ്റ്ററുകളില്‍ ഒന്നില്‍ അഞ്ച് പേരും മറ്റൊന്നില്‍ നാലു പേരുമാണ് ഉണ്ടായിരുന്നതെന്ന് അധികൃതര്‍ അറിയിച്ചു. സുരക്ഷാ കാര്യങ്ങള്‍ക്ക് ഉള്‍പ്പെടെ ഉപയോഗിക്കുന്ന പ്രധാനപ്പെട്ട ഹെലികോപ്റ്ററുകളാണ് അപകടത്തില്‍പ്പെട്ടതെന്നാണ് ലഭ്യമാകുന്ന വിവരം.
