തടവുകാരെ മോചിപ്പിക്കുന്ന കരാറിന്റെ ഭാഗമായി, ക്യൂബയുടെ ‘തീവ്രവാദത്തിന്റെ സ്‌പോൺസർ’ എന്ന കുപ്രസിദ്ധ പദവി യു. എസ്. പ്രസിഡന്റ് ജോ ബൈഡൻ നീക്കം ചെയ്യുമെന്ന് ചൊവ്വാഴ്ച വൈറ്റ് ഹൗസ് അറിയിച്ചു. വിവിധ കുറ്റകൃത്യങ്ങൾക്ക് തടവിലാക്കിയ 553 തടവുകാരെ അധികം വൈകാതെ മോചിപ്പിക്കുമെന്ന് ക്യൂബ പ്രഖ്യാപിച്ചു. നാലുവർഷം മുമ്പ് നടന്ന സർക്കാർവിരുദ്ധ സമരങ്ങളിൽ പങ്കെടുത്തവരും ഇതിൽ ഉൾപ്പെടുമെന്ന് പ്രതീക്ഷിക്കുന്നു.
നിയുക്ത പ്രസിഡന്റ് ഡൊണാൾഡ് ട്രംപ് 2021 ലെ തന്റെ ആദ്യ പ്രസിഡന്റിന്റെ അവസാന നാളുകളിൽ രാജ്യത്തിന്റെ ഭീകരപദവി പുനഃസ്ഥാപിക്കുകയും യു. എസ്. സാമ്പത്തിക സഹായവും രാജ്യത്തേക്കുള്ള ആയുധ കയറ്റുമതിയും നിരോധിക്കുകയും ചെയ്തിരുന്നു.
എന്നാൽ, ബൈഡന്റെ ഈ നീക്കം ശരിയായ ദിശയിലേക്കുള്ള ചുവടുവയ്പാണെന്ന് ക്യൂബ പറഞ്ഞു. “ഈ തീരുമാനം മറ്റ് പലതിനോടുമൊപ്പം ക്യൂബൻ സമ്പദ്‌വ്യവസ്ഥയ്ക്ക് ഗുരുതരമായ നാശമുണ്ടാക്കുന്ന നിർദിഷ്ട നിർബന്ധിത നടപടികൾ അവസാനിപ്പിക്കുന്നു” – രാജ്യത്തിന്റെ വിദേശകാര്യ മന്ത്രാലയം പ്രസ്താവനയിൽ പറഞ്ഞു.
ക്യൂബ കഴിഞ്ഞാൽ നിലവിൽ ഉത്തര കൊറിയ, സിറിയ, ഇറാൻ എന്നീ രാജ്യങ്ങളാണ് യു. എസ്. സ്‌റ്റേറ്റ് സ്‌പോൺസർ ഓഫ് ടെററിസം ലിസ്റ്റിൽ ഉള്ളത്.
