ഇറ്റാലിയന്‍ നഗരമായ ട്രൈസ്റ്റേയിലേക്കുള്ള മാര്‍പാപ്പയുടെ സന്ദര്‍ശനപരിപാടികള്‍ വത്തിക്കാന്‍ പുറത്തുവിട്ടു. ജൂലൈ ഏഴിന് പ്രാദേശികസമയം രാവിലെ 6.30-ന് ഹെലികോപ്റ്ററിലാണ് പാപ്പ യാത്ര ആരംഭിക്കുന്നത്.
രണ്ടു മണിക്കൂറിനുശേഷം നഗരത്തിലെ ജനറല്‍ കണ്‍വെന്‍ഷന്‍ സെന്ററിലിറങ്ങുന്ന മാര്‍പാപ്പയെ ബൊലോഗ്‌ന ആര്‍ച്ച്ബിഷപ്പും ഇറ്റാലിയന്‍ എപ്പിസ്‌കോപ്പല്‍ കോണ്‍ഫറന്‍സ് പ്രസിഡന്റുമായ കര്‍ദിനാള്‍ മാറ്റിയോ മരിയ സൂപ്പി ഔദ്യോഗികമായി സ്വീകരിക്കും. തുടര്‍ന്ന് അവിടെയുള്ള മീറ്റിംഗില്‍ പങ്കെടുത്തതിനുശേഷം 9.15-ന് എക്യുമെനിക്കല്‍ പ്രതിനിധികള്‍, അക്കാദമിക മേഖലയില്‍ പ്രവര്‍ത്തിക്കുന്നവര്‍, കുടിയേറ്റക്കാര്‍, വികലാംഗര്‍ എന്നിവരുമായി കൂടിക്കാഴ്ച നടത്തും.
ഇറ്റലിയിലെ യൂണിറ്റി സ്‌ക്വയര്‍ എന്നുവിളിക്കപ്പെടുന്ന സ്ഥലത്ത് 10.30-ന് എത്തിച്ചേരുന്ന മാര്‍പാപ്പ പരിശുദ്ധ കുര്‍ബാനയ്ക്ക് നേതൃത്വം നല്‍കും. തുടര്‍ന്ന് വത്തിക്കാനിലേക്കു തിരിക്കും.
