കടലിനടിയിലെ കേബിളുകൾ അട്ടിമറിക്കപ്പെട്ടതായി സംശയിക്കുന്ന സാഹചര്യത്തിൽ നിരീക്ഷണശ്രമങ്ങളുടെ ഭാഗമായി സ്വീഡൻ ആദ്യമായി ബാൾട്ടിക് കടലിലേക്ക് സായുധസേനയെ അയച്ചതിന്റെ പശ്ചാത്തലത്തിൽ തന്റെ രാജ്യം യുദ്ധത്തിലോ, സമാധാനത്തിലോ അല്ലെന്ന് വെളിപ്പെടുത്തി സ്വീഡിഷ് പ്രധാനമന്ത്രി ഉൾഫ് ക്രിസ്റ്റേഴ്സൺ.
അണ്ടർവാട്ടർ ഇൻഫ്രാസ്ട്രക്ചർ അട്ടിമറിക്കുന്നതിൽനിന്ന് സംരക്ഷിക്കാൻ സഖ്യം ശ്രമിക്കുന്നതിനാൽ നിർണ്ണായകമായ അടിസ്ഥാനസൗകര്യങ്ങളും റഷ്യയുടെ ‘ഷാഡോ ഫ്ലീറ്റും’ നിരീക്ഷിക്കാനുള്ള നാറ്റോയുടെ ശ്രമത്തിന് മൂന്ന് യുദ്ധക്കപ്പലുകളും ഒരു നിരീക്ഷണ വിമാനവും സംഭാവന ചെയ്യുമെന്ന് രാജ്യം പ്രഖ്യാപിച്ചു. വടക്കൻ സ്വീഡനിലെ സാലെനിൽ നടക്കുന്ന സ്വീഡന്റെ ത്രിദിന വാർഷിക കോൺഫറൻസിന്റെ ഉദ്ഘാടന ദിവസം സംസാരിക്കവെ “വിദ്വേഷപരമായ ഉദ്ദേശ്യം തള്ളിക്കളയാനാവില്ല” എന്ന് പറഞ്ഞുകൊണ്ട് ഉൾഫ് ക്രിസ്റ്റേഴ്സൺ അടുത്തിടെ ബാൾട്ടിക് സമുദ്രത്തിനടിയിലെ കേബിൾ ബ്രേക്കുകളെക്കുറിച്ചും അഭിപ്രായപ്പെട്ടു.
“യഥാർഥ സമാധാനത്തിന് സ്വാതന്ത്ര്യവും രാജ്യങ്ങൾ തമ്മിലുള്ള ഗുരുതരമായ സംഘട്ടനങ്ങളുടെ അഭാവവും ആവശ്യമാണ്. എന്നാൽ ഞങ്ങളും നമ്മുടെ അയൽക്കാരും സങ്കര ആക്രമണങ്ങൾക്ക് വിധേയരാകുന്നു. റോബോട്ടുകളും സൈനികരും ഉപയോഗിച്ചല്ല, കമ്പ്യൂട്ടറുകൾ, പണം, തെറ്റായ വിവരങ്ങൾ, അട്ടിമറിസാധ്യത എന്നിവ ഉപയോഗിച്ചാണ് ഇത് നടത്തുന്നത്. സമാധാനം ആഗ്രഹിക്കുന്നവർ യുദ്ധത്തിന് തയ്യാറാകണം” – എന്ന് അദ്ദേഹം പറഞ്ഞു.
പിന്നീട് നടന്ന പത്രസമ്മേളനത്തിൽ സ്വീഡൻ ഒരു എ. എസ്. സി. 890 രഹസ്യാന്വേഷണ വിമാനവും മൂന്ന് യുദ്ധക്കപ്പലുകളും അയയ്ക്കുമെന്ന് പറഞ്ഞു. ഇത് ആദ്യമായാണ് സ്വീഡൻ സ്വന്തം പ്രദേശത്ത് സായുധസേനയെ വിന്യസിക്കുന്നതെന്നും അദ്ദേഹം കൂട്ടിച്ചേർത്തു.
കഴിഞ്ഞ മാസം ഫിൻലാൻഡിനും എസ്തോണിയയ്ക്കുമിടയിൽ കേബിളിന് കേടുപാടുകൾ സംഭവിച്ചതായി സംശയിക്കുന്ന ‘ഈഗിൾ എസ്’ എന്ന കപ്പലിനെക്കുറിച്ചുള്ള അന്വേഷണം നടക്കുന്നുണ്ടെന്നും നിലവിൽ നാറ്റോ സഹായിക്കാൻ തയ്യാറാണെന്നും ഒരു സ്വീഡിഷ് അന്തർവാഹിനി രക്ഷാപ്രവർത്തനം സ്ഥലത്തുണ്ടെന്നും ഒരു നങ്കൂരം വീണ്ടെടുത്തിട്ടുണ്ടെന്നും അദ്ദേഹം പറഞ്ഞു.
