കഴിഞ്ഞ പത്തുവർഷത്തിനിടെ നൈജീരിയയിൽ നിന്നും തട്ടിക്കൊണ്ടു പോകപ്പെട്ടത് 145 വൈദികർ എന്ന് റിപ്പോർട്ട്. 2015 നും 2025 നുമിടയിൽ, നൈജീരിയൻ പുരോഹിതരുടെ തട്ടിക്കൊണ്ടുപോകലുകളെക്കുറിച്ചുള്ള വിവരങ്ങൾ ശേഖരിച്ച നൈജീരിയയിലെ കാത്തലിക് സെക്രട്ടേറിയറ്റ് (CSN) നടത്തിയ വിശകലനത്തിലാണ് ഈ വെളിപ്പെടുത്തലുള്ളത്. തട്ടിക്കൊണ്ടു പോകപ്പെട്ട 145 വൈദികരിൽ 11 പേർ കൊല്ലപ്പെട്ടു, നാലുപേരെ ഇപ്പോഴും കാണാനില്ല. മറ്റുള്ളവരെയെല്ലാം വിട്ടയച്ചിട്ടുണ്ട്.
ഫിഡെസിന് അയച്ച റിപ്പോർട്ട് സഭാപ്രവിശ്യ അനുസരിച്ച് തിരിച്ചിരിക്കുന്നത് ഇപ്രകാരമാണ്.
1. ഒവേരി പ്രവിശ്യ (47 കേസുകൾ)
ഏറ്റവും കൂടുതൽ തട്ടിക്കൊണ്ടു പോകലുകൾ നടന്നതും പുരോഹിതന്മാർക്ക് ഉയർന്ന അപകടസാധ്യതയുമുള്ള ഒരു മേഖലയാണിത്. രണ്ടു പുരോഹിതന്മാരെ ഒഴികെ മറ്റെല്ലാവരെയും സുരക്ഷിതമായി വിട്ടയച്ചു. ഫലപ്രദമായ രക്ഷാപ്രവർത്തനങ്ങളോ, മോചനദ്രവ്യമോ മൂലമാണ് അവർ മോചിതരായത്.
2. ഒനിറ്റ്ഷ പ്രവിശ്യ (30 കേസുകൾ)
രണ്ടാമത് ഏറ്റവും കൂടുതൽ തട്ടിക്കൊണ്ടു പോകലുകൾ നടന്നിട്ടുള്ള പ്രൊവിൻസാണ് ഒനിറ്റ്ഷ. ഇവിടെ ഒരു വൈദികൻ കൊല്ലപ്പെട്ടു. ഇവിടെ പ്രധാനമായും കൊലപാതകങ്ങളെക്കാൾ മോചനദ്രവ്യത്തിനു വേണ്ടിയുള്ള തട്ടിക്കൊണ്ടുപോകലുകളാണ് നടക്കുന്നത്.
3. കടുന പ്രവിശ്യ (24 കേസുകൾ, 7 കൊലപാതകങ്ങൾ)
ഏറ്റവും കൂടുതൽ വൈദികർ കൊല്ലപ്പെട്ടത് കടുന പ്രവിശ്യയിലാണ്. ഇവിടെ തട്ടിക്കൊണ്ടു പോകലുകൾ കൂടുതൽ അക്രമാസക്തമായ രീതിയിലായിരുന്നു. ഇത് തീവ്രവാദ പ്രവർത്തനം, വിമത സ്വാധീനം അല്ലെങ്കിൽ വടക്കൻ നൈജീരിയയിലെ വർധിച്ച മതപരമായ സംഘർഷങ്ങൾ എന്നിവ മൂലമാകാം.
ഏറ്റവും കൂടുതൽ മരണസംഖ്യയുള്ള പ്രവിശ്യകൾ
1. കടുന പ്രവിശ്യ (7 വൈദികർ കൊല്ലപ്പെട്ടു)
തട്ടിക്കൊണ്ടു പോകലുകൾ പലപ്പോഴും കൊലപാതകങ്ങളിൽ അവസാനിക്കുന്ന ഏറ്റവും അപകടകരമായ പ്രവിശ്യയാണിത്. ഈ മേഖലയിലെ അക്രമികൾ കൂടുതൽ രാഷ്ട്രീയ പ്രേരിതരോ, ആക്രമണകാരികളോ അല്ലെങ്കിൽ മോചനദ്രവ്യ ചർച്ചകളിൽ താൽപര്യമില്ലാത്തവരോ ആണെന്നു സൂചിപ്പിക്കുന്നു.
2. അബുജ പ്രവിശ്യ (2 വൈദികർ കൊല്ലപ്പെട്ടു)
സുരക്ഷ അനുമാനിക്കപ്പെടുന്ന പ്രദേശങ്ങൾപോലും പ്രതിരോധശേഷി ഇല്ലാത്തതാണെന്ന് ഇത് വെളിപ്പെടുത്തുന്നു.
3. ബെനിൻ പ്രവിശ്യ, ഒനിറ്റ്ഷ പ്രവിശ്യ (ഒരോ വൈദികൻ വീതം കൊല്ലപ്പെട്ടു)
കടുനയുമായി താരതമ്യപ്പെടുത്തുമ്പോൾ ഇവിടെ ഇപ്പോഴും ആശങ്കാജനകമാണ്. അക്രമാസക്തമായ തട്ടിക്കൊണ്ടു പോകലുകളുടെ ഒറ്റപ്പെട്ട കേസുകൾ സൂചിപ്പിക്കുന്നു.
പുരോഹിതന്മാരെ ഇപ്പോഴും വിട്ടയയ്ക്കാത്ത പ്രവിശ്യകൾ
കടുനയിൽ നിന്നും തട്ടിക്കൊണ്ടു പോകപ്പെട്ട ഒരു വൈദികനെ ഇതുവരെയും വിട്ടയച്ചിട്ടില്ല. ഉയർന്ന മരണസംഖ്യ കണക്കിലെടുക്കുമ്പോൾ, കാണാതായ പുരോഹിതൻ ഗുരുതരമായ അപകടത്തിലായിരിക്കാം അല്ലെങ്കിൽ ഇതിനകം മരിച്ചുപോയിരിക്കാം.
ബെനിൻ പ്രവിശ്യയിൽ നിന്നും തട്ടിക്കൊണ്ടു പോകപ്പെട്ട ഒരു വൈദികനെ വിട്ടയച്ചിട്ടില്ല. ഇത് രക്ഷാപ്രവർത്തനങ്ങളുടെ അഭാവം മൂലമാണോ അതോ തട്ടിക്കൊണ്ടുപോയവർ ചർച്ചയ്ക്ക് വിസമ്മതിച്ചതിനാലാണോ എന്ന് വ്യക്തമല്ല.
ഒവേരി പ്രവിശ്യയിൽ നിന്നുള്ള രണ്ടു വൈദികരെ വിട്ടയച്ചിട്ടില്ല. ഉയർന്ന മോചനനിരക്ക് ഉണ്ടായിരുന്നിട്ടും ഈ രണ്ടുപേരെ വിട്ടയച്ചിട്ടില്ല. ഇത് തട്ടിക്കൊണ്ടു പോകുന്നവരുടെ തന്ത്രമാണോ എന്ന കാര്യത്തിലുള്ള സംശയം ബലപ്പെടുത്തുന്നു.
നൈജീരിയയിൽ വൈദികരെ തട്ടിക്കൊണ്ടു പോകുന്നതിലെ പ്രധാന കാരണങ്ങൾ
- ഇവിടെ തട്ടിക്കൊണ്ടുപോകലുകൾ വ്യാപകമാണ്. ചില പ്രവിശ്യകളിൽ അക്രമാസക്തമായ പ്രവണതകൾ കൂടുതലാണ് (കടുന, അബുജ).
- മിക്ക തട്ടിക്കൊണ്ടു പോകലുകളും മോചനദ്രവ്യം ആവശ്യപ്പെട്ടുകൊണ്ടാണ്. എന്നാൽ വടക്കൻ പ്രദേശങ്ങൾ (കടുന) പുരോഹിതരെ കൊലപ്പെടുത്താനുള്ള പ്രവണത കൂടുതൽ കാണിക്കുന്നു.
- നിയമപാലകരുടെ മെച്ചപ്പെട്ട സാന്നിധ്യം കാരണം ലാഗോസ് ഏറ്റവും സുരക്ഷിതമായ പ്രവിശ്യയായി തുടരുന്നു.
