ഗ്രീസിലെ ഏഥൻസിൽ ആദ്യത്തെ ആധുനിക ഒളിമ്പിക് ഗെയിംസ് ഔപചാരികമായി ആരംഭിച്ചത് 1896 ഏപ്രിൽ ആറിനായിരുന്നു. 12 രാജ്യങ്ങളിൽ നിന്നുള്ള 280 ഓളം അത്‌ലറ്റുകൾ അതിൽ പങ്കെടുത്തു. എല്ലാ ഒളിമ്പിക് താരങ്ങളും പുരുഷന്മാരായിരുന്നു. അത്‌ലറ്റിക്‌സ് (ട്രാക്ക് ആൻഡ് ഫീൽഡ്), സൈക്ലിംഗ്, നീന്തൽ, ജിംനാസ്റ്റിക്സ് , ഭാരോദ്വഹനം, ഗുസ്തി, ഫെൻസിംഗ്, ഷൂട്ടിംഗ്, ടെന്നീസ് എന്നിവ ഉൾപ്പെടുന്ന 43 ഇനങ്ങളിൽ അത്‌ലറ്റുകൾ മത്സരിച്ചു. പരേഡുകളും വിരുന്നുകളും നൽകി വിദേശ അത്‌ലറ്റുകളെ സ്വാഗതം ചെയ്തപ്പോൾ ഏഥന്സില് ഒരു ഉത്സവ അന്തരീക്ഷം നിലനിന്നു. മത്സരത്തിന്റെ ഉദ്ഘാടന ദിവസം അറുപതിനായിരത്തിലധികം പേർ പങ്കെടുത്തു. ഗ്രീസിലെ രാജകുടുംബത്തിലെ അംഗങ്ങൾ ഗെയിംസിന്റെ ഓർഗനൈസേഷനിലും മാനേജ്‌മെന്റിലും ഒരു പ്രധാനപങ്ക് വഹിച്ചു. ഒളിമ്പിക്‌സിന്റെ 10 ദിവസങ്ങളിൽ അവർ സ്ഥിരം കാഴ്ചക്കാരായിരുന്നു. ഹംഗറി ഏക ദേശീയ ടീമിനെ അയച്ചു; മിക്ക വിദേശ അത്‌ലറ്റുകളും സമ്പന്നരായ കോളേജ് വിദ്യാർഥികളോ, ഒളിമ്പിക്‌സിന്റെ പുതുമയിൽ ആകൃഷ്ടരായ അത്‌ലറ്റിക് ക്ലബുകളിലെ അംഗങ്ങളോ ആയിരുന്നു.
1917 ഏപ്രിൽ ആറിന് പ്രസിഡന്റ് വുഡ്രോ വിൽസൺ ഒപ്പുവച്ച ജർമ്മനിക്കെതിരായ യുദ്ധപ്രഖ്യാപനം അംഗീകരിക്കുന്നതിൽ സഭ സെനറ്റിനൊപ്പം ചേർന്നതോടെ അമേരിക്ക ഒന്നാം ലോകമഹായുദ്ധത്തിൽ പ്രവേശിച്ചു.
1931 ഏപ്രിൽ ആറിനാണ്, ഹിന്ദിസിനിമകളിൽ പ്രവർത്തിച്ചിരുന്ന ഒരു ഇന്ത്യൻ ചലച്ചിത്രനടിയായ സുചിത്ര സെൻ ജനിച്ചത്. 1963 ൽ മോസ്കോ അന്താരാഷ്ട്ര ചലച്ചിത്രമേളയിൽ ‘സാത്ത് പാകെ ബന്ധ’ എന്ന ചിത്രത്തിലെ അഭിനയത്തിന് മികച്ച നടിക്കുള്ള വെള്ളി പുരസ്കാരം നേടിയ സെൻ, അന്താരാഷ്ട്ര ചലച്ചിത്രമേളയിൽ അവാർഡ് നേടുന്ന രണ്ടാമത്തെ ഇന്ത്യൻ നടിയായിരുന്നു. 1931 ഏപ്രിൽ ആറിന് ബംഗ്ലാദേശിലെ പബ്നയിലാണ് അവർ ജനിച്ചത്.
1994 ഏപ്രിൽ ആറിനായിരുന്നു റുവാണ്ടൻ വംശഹത്യയുടെ തുടക്കം. റുവാണ്ടൻ പ്രസിഡന്റ് ജുവനൽ ഹബ്യാരിമാനയുടെയും ബുറുണ്ടിയൻ പ്രസിഡന്റ് സിപ്രിയൻ എൻതര്യമിറയുമാണ് ഇതിനു തുടക്കമിട്ടത്. ഒരു ദശലക്ഷം ടുട്സികളുടെ കൂട്ടക്കൊലയാണ് നടന്നത്.
