ഭൂമിയിലെ ഒരു ദിവസത്തിന്റെ ദൈർഘ്യം 24 മണിക്കൂറിൽ നിന്നും 25 മണിക്കൂറിലേക്ക് വർദ്ധിക്കുമെന്ന് ശാസ്ത്രജ്ഞർ കണ്ടെത്തി. ഭൂമി സ്വന്തം അച്ചുതണ്ടിൽ കറങ്ങുന്ന വേഗത കുറയുന്നതാണ് ഈ മാറ്റത്തിന് പ്രധാന കാരണമായി പറയുന്നത്. എന്നാൽ ഇത് പെട്ടെന്നുണ്ടാകുന്ന ഒരു മാറ്റമല്ലെന്നും ദശലക്ഷക്കണക്കിന് വർഷങ്ങൾ എടുത്തായിരിക്കും ഇത്തരമൊരു അവസ്ഥയുണ്ടാവുകയെന്നും ശാസ്ത്രലോകം വ്യക്തമാക്കുന്നു.
ഭൂമിയും ചന്ദ്രനും തമ്മിലുള്ള ആകർഷണമാണ് ഈ വേഗത കുറയാൻ പ്രധാന കാരണമാകുന്നത്. സമുദ്രത്തിലെ തിരമാലകൾ ഉണ്ടാകുമ്പോൾ അവ ഭൂമിയുടെ കറക്കത്തിന് ചെറിയ രീതിയിൽ തടസ്സമുണ്ടാക്കുകയും കറക്കത്തിന്റെ വേഗത കുറയ്ക്കുകയും ചെയ്യുന്നു. അതിനാലാണ് ഓരോ നൂറ്റാണ്ട് കഴിയുമ്പോഴും ദിവസത്തിന്റെ നീളം വളരെ ചെറിയ അളവിൽ കൂടി വരുന്നത്.
കാലാവസ്ഥാ വ്യതിയാനവും മഞ്ഞുരുകുന്നതും ഭൂമിയുടെ കറക്കത്തെ സ്വാധീനിക്കുന്നുണ്ടെന്ന് ഗവേഷകർ പറയുന്നു. നിലവിൽ നമ്മുടെ ദൈനംദിന ജീവിതത്തെ ഇത് ബാധിക്കില്ലെങ്കിലും ഭാവിയിൽ വലിയ മാറ്റങ്ങൾ പ്രതീക്ഷിക്കാം. അത്യാധുനിക ക്ലോക്കുകളും ഉപഗ്രഹങ്ങളും ഉപയോഗിച്ച് ഭൂമിയുടെ ചലനത്തിൽ വരുന്ന ഈ മാറ്റങ്ങൾ ശാസ്ത്രജ്ഞർ കൃത്യമായി നിരീക്ഷിച്ചു വരികയാണ്.
