1939 ജൂലൈ 27 നായിരുന്നു സി ആർ പി എഫ് എന്നറിയപ്പെടുന്ന സെൻട്രൽ റിസേർവ് പൊലീസ് ഫോഴ്സിന്റെ ആദ്യവിഭാഗം രൂപീകൃതമായത്. ഇന്ത്യയുടെ ഏറ്റവും പഴക്കമുള്ള അർധസൈനിക വിഭാഗമാണിത്. 1936 ൽ ഇന്ത്യൻ നാട്ടുരാജ്യങ്ങളിലുണ്ടായ രാഷ്ട്രീയലഹള നിയന്ത്രിക്കാനായിരുന്നു ഇത്. സ്വാതന്ത്ര്യാനന്തരമാണ് സെൻട്രൽ റിസേർവ് പൊലീസ് ഫോഴ്സ് എന്നാക്കി മാറ്റിയത്. അതിനു മുൻപ് ഇത് ക്രൗൺ റെപ്രെസെന്ററ്റീവ്സ് പൊലീസ് എന്നായിരുന്നു.
കൊറിയൻ യുദ്ധത്തിൽ പങ്കെടുത്തവരുടെ ധൈര്യത്തിന്റെയും ത്യാഗത്തിന്റെയും ദുഃഖകരമായ ഓർമപ്പെടുത്തലാണ് കൊറിയൻ യുദ്ധവീരന്മാരുടെ ഓർമദിനം. എല്ലാ വർഷവും ജൂലൈ 27 അടയാളപ്പെടുത്തുന്ന ഈ ദിനം 1953 ൽ കൊറിയൻ യുദ്ധവിരാമ ഉടമ്പടി ഒപ്പുവച്ചതിന്റെയും ഇരുകൊറിയകൾക്കിടയിലും സമാധാനം പുനഃസ്ഥാപിക്കുന്നതിനുള്ള വെടിനിർത്താലിന്റെയും സ്മരണയാണ്.
പ്രമേഹചികിത്സാ ചരിത്രത്തിലെ ഏറ്റവും പ്രധാനപ്പെട്ട ദിവസങ്ങളിലൊന്നാണ് ജൂലൈ 27. 1921 ൽ ആ ദിവസം, കനേഡിയൻ സർജനായ ഡോ. ഫ്രെഡറിക് ബാന്റിംഗും മെഡിക്കൽ വിദ്യാർഥിയായ ചാൾസ് ബെസ്റ്റും ചേർന്ന് ഇൻസുലിൻ എന്ന ഹോർമോൺ ആദ്യമായി വേർതിരിച്ചെടുത്തു.
ആദ്യത്തെ വാണിജ്യ ജെറ്റ് വിമാനം പരീക്ഷണപറക്കൽ നടത്തിയത് 1949 ജൂലൈ 27 നായിരുന്നു. 1949 വരെ സിവിൽ ഏവിയേഷനിൽ വലിയ പ്രൊപ്പല്ലർ ഓടിക്കുന്ന വിമാനങ്ങൾ ആധിപത്യം പുലർത്തിയിരുന്നു. 1943 ൽ ഡി ഹാവിലാൻഡ് ലോകത്തിന് ജെറ്റ് വിമാനത്തിന്റെ യുഗം പരിചയപ്പെടുത്തി. സർ ജെഫ്രി ഡി ഹാവിലാൻഡ് 1943 ൽ DH106 ‘കോമറ്റ്’ എന്ന ആശയം ആവിഷ്കരിച്ചു, 1946 സെപ്റ്റംബറിൽ ഡിസൈൻ ജോലികൾ ആരംഭിച്ചു. 1949 ജൂലൈ 27 നാണ് പ്രോട്ടോടൈപ്പ് ആദ്യമായി പറന്നത്.
